Gjykata e Hagës i dënoi heronjtë tanë në emër të shpiunëve dhe tradhtarëve të vendit. Vendimi është politik dhe i padrejtë. Nuk është vendim në emër të popullit, por në emër të pazareve politike për t’ia bërë qejfin Serbisë dhe Rusisë.
Megjithatë, asnjë vendim i tillë nuk do të na e zbehë krenarinë ndaj këtyre burrave dhe ndaj UÇK-së. Ata kanë qenë të pafajshëm dhe janë të pafajshëm në sytë tanë, por janë përndjekur, ashtu siç janë përndjekur gjithmonë atdhetarët.
Dënimi nuk ua merr dot lirinë heronjve, sepse ata e jetojnë atë në lirinë e shtetit dhe të popullit që e sollën vetë. 
